Contoh Naskah Drama Bahasa Jawa 5 dan 7 Orang

Contoh Naskah Drama Bahasa Jawa - Anda sedang mencari tugas untuk melakukan sebuah drama khusunya dalam bahasa Jawa. Sebagian besar dari kalian pasti kesusahan atau mungkin malas untuk membuat sebuah naskah drama apalagi dalam bahasa Jawa.

Contoh Naskah Drama Bahasa Jawa 5 dan 7 Orang

Memang pemuda zaman sekarang sudah meninggalkan budayanya sendiri, sehingga pemerintah memasukan muatan lokal contohnya bahasa Jawa dalam kurikulum pendidikan. Kami dari tim terbeselung akan berbagi kepada kalian contoh teks drama bahasa Jawa dengan anggota kelompok 5 orang atau anggota kelompok 7 orang. Naskah drama ini bisa kalian gunakan sebagai referensi dalam praktek drama bahasa jawa di waktu pelajaran.

Contoh Teks Drama Bahasa Jawa

Naskah Drama Bahasa Jawa 5 Orang

Drama yang pertama diperankan oleh 5 orang siswa/i. Drama ini mengambil tema tentang Gotong Royong. Gotong royong merupakan sebuah tema yang apik untuk sebuah penampilan pentas drama di dalam kelas. Drama ini mempunyai nilai moral dan amanat yang sangat mendalam. Berikut saya sajikan naskah drama bahasa jawa 5 orang.

Ana ing sawijining desa ana pemuda kang wus akrab banget, yaiku Nipon lan Aldo. Bocah loro iku seneng  anget nggawe ulah. Sampek kanca-kancane sing liya ora gelem nyedhek amarga mesthi diusili. Wektu iku sawise sekolah Nipon ngampiri Aldo.

Nipon : Do, ayo engko dolan ! ( Nggeplek pundake Aldo)

Aldo : Gaweanmu dolan ae . Koyo wong pinter wisan.

Nipon : Halah gayamu, gelem opo ora kowe ?

Aldo : Dolan nyandi lho ?

Nipon : Yo emboh... Pokoke dolan ben koyo cah gaul ngono lho...

Aldo : Emmm.. ayo lek ngono. Tapi wegah aku lek sampek maghrib eneh !

Nipon : Hehehe, ora-ora.

Aldo : Gek nggawa duit opo ora ?

Nipon : Halah, kuwi dirembug engko ae... Yo wis aku arep mulih (Mlaku ngadohi Aldo )

Aldo : Oke-oke.... Engko kowe neng o omahku.

Sawise iku Nipon lan Aldo dolan. Nipon lan Aldo ora kelingan yen iki mau wayahe kelompok drama B. Jawa kanggo ujian praktek kelas 3. Ing sawijining panggon, Deni lan Parman nunggu bocah loro maeng. Bocah loro kuwi ora ngerti marang ngendi parane Nipon lan Aldo.

Parman : He, enek sing ngerti Nipon karo Aldo ?

Deni : Lha yo nyandi cah loro ki, maeng opo ndak krungu di omongi...

Parman : Opo jajal diparani neng omahe ?

Deni : Omahe sopo ?

Parman : Yo omahe Aldo ae sing enek wong tuwane

Deni : Lek ora enek piye ? Gek iki urung latihan blas lho...

Parman : Halah kuwi masalah keri, sing penting anggotane wis enek kabeh.

Deni : Yo wis kowe rono ae, aku neng kene karo nggae naskah dramane, piye ?

Parman : Hmmm, yo lekno. Sing apik lho yo critane ?

Deni : Oke bos.....

Banjur Parman mara menyang omahe Aldo. Ing kono Parman ora nemoni sopo-sopo. Akhire Parman  balik maneh lan nerusake nggawe teks drama karo Deni. Akhire ditunggu sampek maghrib Nipon lan Aldo ora ana ketok.

Deni : Piye bocah iki ? kok ora enek ketok ?

Parman : Lha yo piye neh, lek panggah ora gelem kelompok yo golek liyane ae.

Deni : Nah, setuju aku. Yo wis aku pamit. Ki mesthi wong tuwaku wis nggoleki.

Parman : Oke, dirembug sesuk neng sekolahan ae. Bocahe ditakoni.

Deni : Eh iyo, ojo lali sesuk nggawa gitar gae musicale.

Parman : Gampang, yo uwis ndang muliho.

Deni mulih amarga wis maghrib. Sesuke neng sekolahan Deni lan Parman rembugan bab drama B. Jawa. Kanggo ngisi waktu ngenteni Aldo lan Supardi bocah loro kuwi ngrembug musik kang bakal digawe.

Parman : Ayo sakiki nggawe musik kanggo dramane. Sing tentang lagu daerah ae.

Deni : Yo angel lho kuwi, lha kowe opo iso ?

Parman : Jajal kene aku (njupuk gitar saka tangane Deni)

Deni : Halah kemiso, jajal piye....

Parman : (nyanyi gundul-gundul pacul)

Deni : Hahaha, kuwi rak yo tembang dolanane bocah lho...

Parman : Sing penting lagu daerah lho...

Deni : Ojo, diganti liyane ngono lho.

Parman : Jajal kowe iso opo ora ? (ngekekne gitar marang Deni)

Deni : (Main gitar)

Parman : Lha kuwi opo ora yo lagu pop.... hahaha

Deni : Hahaha, lha aku ora iso lho..

Parman : Kene lek ngono aku ae.

Deni : (Ngekekne gitar) Aku sing nyanyi yo ?

Parman : (Nyanyi karo Deni)

Deni : Haha, apik kuwi... yo uwis nggae kuwi ae...

Sing ditunggu-tunggu mara-mara teko karo mlayu. Ora rumangsa yen ditunggu.

Aldo : Heh, bocah-bocah wes podo latihan drama Bahasa Jawa, kelompoke awake dhewe piye ?

Deni lan Parman : Trus gue harus bilang wow gitu ? wow

Supardi : Heladalah, iki tenanan lho...

Parman : Lha kowe dhekingi nyandi ae ?

Supardi : Nyapo aku sing kok takoni....

Parman : Lha wayahe kan kelompok, kowe yo wis diomongi...

Supardi : Kapan lekmu omong ? ( mulai nesu )

Parman : Ow, kowe wis pikun yo ?

Pak Guru : He he, enek opo iki ?

Deni : Niki, Pak. Nipon kalih Aldo dhekwingi mboten purun kelompok drama.

Pak Guru : Weh weh, lha nyapo kok ora kelompok ki ?

Aldo : Lha ancen ora diomongi to, Pak.

Pak Guru : Iyo to le ? Ora kok omongi ?

Deni : Sampun, Pak. Tapi mboten dugi.

Pak Guru : Lha kwi kowe ora teko...

Aldo : Ora diomongi, Pak.

Pak Guru : Halah wis ora usah ngeyel, ndang gek kelompok

Sawise ngono, bocah papat kelompok nggae drama. Amarga gotong royong akhire kelompoke iso nampilake drama kang apik lan akeh kanca-kancane sing seneng.

Parman : Apik banget gayamu cah, jan pantes dadi artis.

Deni : Lho yo jelas lah, sopo disek...

Parman : Di, Do, nyapo meneng ae ki.... wis berhasil lho

Nipon : Aku njaluk sepuro yo, Man.

Parman : Halah, ora opo-opo.... Sing penting iki wis sukses.

Pak Guru : Lha yo ngono, lek gotong royong bareng kan iso apik hasile

Nipon : Kula nyuwun pangapunten, Pak. Nika sampun mboten sopan kalihan bapak.

Aldo : Kula nggih, Pak.

Pak Guru : Yo wis ora opo-opo. Makane ojo diterusne lekmu ndugal ki.

Nipon lan Aldo mulai ngrubah sikape. Pirang wulan sawise kuwi bocah papat maeng oleh nilai Ujian kang paling apik dhewe. Gotong royong lan kerja keras iku bisa ndadekake semubarang gawe dadi gampang lan oleh hasil kan muasne.

Naskah Drama Bahasa Jawa 7 Orang

Naskah Drama Bahasa Jawa yang kedua membahas tentang Legenda Gunung Kelud. Naskah drama ini sesuai judulnya yaitu diperankan oleh 7 orang siswa/i. Cukup banyak pemeran yang harus dimainkan. Langsung saja kita lihat naskah drama bahasa jawa 7 orang.

Legenda Gunung Kelud

            Ing kerajaan majapahit kang gemah ripah loh jinawi, tata tentrem kelawan kerta raharja. Sajroning pasewakan ing siti inggil kraton majapahit sang prabu brawijaya kahadep putri nipun ingkang sulistiyo ing warni lan para prajurit ipun.

            Putri pusparini ingkang sulistiyo warni mahanani kathah para taruna saking njaban rangkah ingkang pingin ngayunaken sang putri. Ananing manah sang prabu brawijaya mandeg mangu, amargi sang prabu mboten purun kadadosan derdah saking panolak ing sang putri. Mula saking menika sang prabu brawijaya ngawontenaken sayembara, sok sinteno ingkang saget menthang gendewa sakti kyai garudayeksa lan ngangkat gong kyai sakerdelima inggih menika ingkang dados garwanipun sang putri.

Sang prabu      : “ Putriku angger pusparini kepriye?, opo wis sumadya anggoniro angadepi                                         sayembara ?”

Putri                : “ Saderengipun kula ngaturaken sembah rama. Ngenani bab sayembara                                             dalem namong nyadhong dhawuhipun rama.”

Sang prabu      : “ iyo, sembahmu tak tompo. yo…mugo-mugo sayembara mengko kalakon                                         kanthi rancak , ora ana rubedo.”

Sang prabu      : “ Iki ono pawongan telu ngadep ing ngarsaku,opo iyo arep melu ngleboni                                          sayembara kisanak ?”

Taruna 1          : “ Inggih sinuwun sadereng ipun, kula ngaturaken sembah. Nami kula joko lola saking negri sabrang. Kula bade mupu sayembara.”

Taruna 2          : “ Kula semanten ugi sinuwun sederengipun kula ngaturaken sembah. Nami                                        kula raden asmoro. Kula inggih nderek sayembara.”

Taruna 3          : “ Kula inggih sinuwun sadereng ipun, kula ngaturaken sembah. Nami kula                                         raden kusuma. Kula badhe nderek sayembara.”

Sang prabu      : “ iyo, yen ngono mboko siji majuo ing sangareping gendewo lan gong sigro.laksanakno amenthang gendewa lan ngangkat gong.”

Taruna 1          : “ inggih sinuwun ngestoaken dhawuh.” (mlampah dhateng ngajeng.                                                   Menthang gendewa nanging mboten saget)

Taruna 2          : “ Nyuwun palilah sinuwun mugi-mugi kula saget ngrampungi  sayembara menika.” ( mlampah dhateng ngajeng . Menthang gendewa sasampunipun dilanjutaken ngangkat gong nanging mboten kuat )

Taruna 3          : “ sinuwun ngestoaken dhawuh , mugi-mugi kula saget ngrampungi                                                     sayembara menika (mlampah dhateng ngajeng . Menthang gendewa nanging mboten kuat )

Sang prabu      : “ Sarekne sayembara ora ono kang bisa ngrampungi, sayembara enggal                                               ingsun wusanani”

            Sesarengan kalian sabdanipun sang prabu, repepeh-repepeh lembu suro sowan ngarsanipun sang prabu, badhe nderek mupu sayembara.

Lembu suro     : “Nuwun sewu sinuwun lepat nyuwun pangapuro. Kula pun lembu suro badhe                                 mupu sayembara.”

Sang Prabu      : “Jenengmu lembu suro?! Awakmu menungsa sirahmu lembu, opo bisa kowe                                    mupu sayembara?”

Lembu suro     : “ Menawi gusti ingkang murbeg dumadi, angidinaken paminto kula mbok                                         menawi kula saget angrampungi sayembara.”

Sang Prabu    : “ Yen ngono enggal laksanakno sayemabra kisanak.”

Lembu suro     : “ Sendiko ngestoaken dhawuh sinuwun ( mlampah wonten ngajeng anyedaki                                    panggenan gendewa kalian gong )

            Lembu sura saget menthang aken gendewa lan ngangkat gong kaya mboten wonten beban. Sareh ne lembu sura saget ngrampungi sayembara, lembu suro nggadhi hak anggarwo dewi pusparini. Suasano ing kaputren, sang putri tansah muwun amargi sang putri mboten purun kagarwo dining lembu suro.

Emban             : “ Ndoro putri sampun dipun galih sanget-sanget. Mangke mindak badanipun                                     kero anjalari sakit.”

Putri                : “ mbok emban kepriye anggonku anglakoni digarwo dining lembu suro sin ora umum kaya sa’dengahe manungsa. Mbok emban aku njaluk eguh pratikelmu, kepriye amprih aku ora digarwo dining lembu suro? Coba pikirno, kepriye pratikelmu mbok emban?

Emban             : “ Nyuwun sewu gusti, menawi pamikiran kula mekaten, panjenenga kedah anggadahi setunggal panyuwun ingkang aurat damatheng lembu suro.”

Putri               : “ Lha iyo mbok emban kira-kira opo panyuwunku mengko?”

Emban           : “ Eguh pratikel kula pripun menawi lembu suro dipun kengken ndamel sumur wonten ing puncake gunung kelud.”

Putri               : “ Iyo yen ngono mbok emban, mengko yen lembu suro mlebu ing kaputren tak jalukane bebono sing kaya mbok emban aturaken.

            Salebete wawan rembag antawis gusti putri kaliyan mbok emban, mboten ka nyono-nyono lembu sura mlebet kaputren saperlu sapejagong kalian gusti putri.

Lembu suro     : “ Di ajeng pusparini garwanipun kakang, kepriye janjimu ? aku mrene arep nagih janjimu yayi ?

Putri               : “ Iyo lembu suro aku gelem dadi garwamu nanging aku njaluk panyuwun                                          marang sliramu.”

Lembu sura     : “ Iyo yayi panjalukmu opo ? enggal kondho mengko enggak kula laksanani.

Putri                : “ Yen sliramu biso gawe sumur ing puncake gunung kelud sajroning                                                   sewengi, aku gelem dadi garwomu, lembu suro.

Lembu suro     : “ Opo nggawe sumur iku kudu ana ing puncake gunung kelud ? opo ora ono papan seng cedak sakiwo tengen kene wae ?

Putri                  : “ Ora lembu suro , aku wes mantep njaluk digawekne sumur ing puncake gunung kelud , mbesok samongsa awake dewe diresmek ake dadi temanten bisa ados bareng neng sumur seng kok gawe kuwi.

Lembu sura     : “ Yen penjalukmu koyo mengkono ojo kuatir diajeng, bakal tak turuti                                                panjalukmu mugo-mugo biso ngelaksanani panjalukmu.

            Sasampunipun lembu suro angerteni panyuwunipun gusti putri sigro milar saking kaputren terus bablas. Mlajeng ing sapuncaking gunung kelud sareng kluarga sang prabu brawijaya. Dumugi ing gunung kelud , lembu suro nggina’aken sungu nipun kangge ngeduk siti ingkang badhe damel sumur. Sak antawis dangu lembu suro sampun mboten ketingal saking pinggire sumur. Dados lembu suro sampun tebih mlebet wonten sajroning sumur. Ningali kedadean menika putri pusparini tansoyo kuatir. Menawi lembu suro saget minangkani pamundhutipun. Sang putri nyuwun dhumatheng rama nipun inggal laksanakaken tumindak, supados lembu suro saget gagal anggarwo putri pusparini.

Putri                 : “ rama .. pripun kahanan lembu suro kok saget ndamel sumur ? mugio rama                                       gadah pratikel kados pundi cara nipun amprih lembu suro mboten saget anggarwo kula.

Sang prabu      : ” ya nini.. aku ngerti karepmu lan mengko dhisik tak mikir kepriye cara ne iki ?

            Sang prabu ketawis gugup lan mandeg mangu, menggalih kadospundi cara nipun lembu suro mboten saget anggarwo putrinipun

Sang prabu      : “ he… kabeh prajuritku wae podho siyaga . dina iki ana perintah kudu sigro dilaksanakne yaiku nguruk sumur kanggo watu lan lemah ing sak kiwo tengen e sumur, ojo katalumpen. saiko ugo laksanakno sampek sumur kebak watu lan lemah.

Prajurit            : “ inggih sinuwun nggestoaken dhawuh.”

            Sedoyo prajurit ngelaksanakaken printah sinuwun nguruk sumur kalian selo lan siti . saking lebet sumur kepireng sambate lembu suro.

Lembu suro     : “ tulung…tulung… tulung …ojo di uruk aku ana jerone sumur iki.

            Para prajurit mboten anggatek aken sambat e lembu suro . para prajurit terus nguruk sampe sumur kebak selo lan siti. Senaoso lembu suro ka uruk sajroning sumur ananging, suwanten nipun tasih kepireng saking njawi sumur lan lembu suro murka ngantos ngedalaken sumpah kangge prabu brawijaya lan sedaya kawula nipun amargi cuwo penggalih ipun lembu suro.

Lembu suro     : “ hey.., brawiyaya mbesok bakal kepethuk piwalesku kang makaping kaping. Yaiku Kediri bakal dadi kali, blitar dadi latar, tulungagung dadi kedung.”

            Sajroning sumpahe lembu suro saben kaleh windu sepisan bakal ngerisak sedaya wewengkon kerajaan prabu brawijaya.

sang prabu       : “ para kawula ku kabeh lembu suro wes sumpah arep ngerusak wewengkon kita kabeh, mula saka iku ayo kabeh wae nyuwun pandonga marang gusti kang murbeng dumadi supaya bumi nuswantara kita tetep gimah ripah loh jinawi ora ono alangan sawiji opo.”

Demikian artikel dari terbeselung mengenai Contoh Naskah Drama Bahasa Jawa. Semoga artikel ini dapat membantu kalian dalam menyelesaikan tugas bahasa jawa khususnya untuk penilain praktik pementasan sebuah drama. Mohon maaf apabila masih terdapat banyak kesalahan.